Bakı. Şəhriyar Əlizadə - APA. Bakı Ağır Cinayətlər Məhkəməsində adam öldürməkdə təqsirləndirilən Gürcüstan vətəndaşı Elçin Çobanovun cinayət işi üzrə bu günə təyin olunan məhkəmə prosesi təxirə salınıb.
APA-nın məlumatına görə, buna səbəb, qətlə yetirilən H. Həsənovun anasının yeni vəkillə müqavilə bağlaması olub. Həmin vəkilin cinayət işi ilə tanış olması üçün məhkəmə prosesi oktyabrın 16-na təxirə salınıb.
Qeyd edək ki, yanvarın 6-da "Sahil" bağında Elçin Çobanov orada mübahisə zəminində it gəzdirən Həsən Həsənov və Orxan Məmmədzadəyə bıçaqla xəsarət yetirib. Həsən Həsənov hadisə yerində ölüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
