Bakı - APA. Ukrayna noyabrın 26-dan etibarən Rusiya aviaşirkətlərinin ölkə ərazisindən tranzit uçuşlarına qadağa qoyacaq.
APA-nın Ukrayna mətbuatına istinadən verdiyi xəbərə görə, bu barədə Ukraynanın İnfrastruktur Nazirliyinin bəyanatında deyilir.
Qeyd olunur ki, bu qərarın qəbul edilməsinə səbəb Rusiya aviadaşıyıcıları tərəfindən uçuş qaydalarının və Ukrayna hava məkanından istifadə qaydalarının sistematik pozulması halları ilə əlaqədardır.
Xatırladaq ki, bu gün Ukraynanın baş naziri Arseniy Yatsenyuk Ukraynanın Rusiya aviaşirkətlərinə tranzit uçuşlar həyata keçirməsinə qadağa qoyduğunu açıqlayıb. “Rosaviasiya” isə bu qadağanın əhəmiyyətli olmadığını bəyan edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
