Bakı - APA. Türkiyə sərhədləri yaxınlığında, Suriya ərazisində hərbi təyyarə qəzaya uğrayıb.
APA-nın "Doğan" xəbər agentliyinə istinadən verdiyi məlumata görə, hərbi təyyarə Türkmən dağı ərazisindəki Qızıldağ istiqamətində yerə düşüb. Hələlik hərbi təyyarənin hansı ölkəyə məxsus olduğu bəlli deyil.
Təyyarənin Türkiyə hava məkanını pozduğu üçün vurulduğu bildirilir. Pozucu təyyarə Türkiyə Hərbi Hava Qüvvələrinə məxsus "F-16" qırıcıları tərəfindən vurularaq yerə salınıb. Pilotlar katapult edərək təyyarədən çıxa biliblər.
Xatırladaq ki, Suriya ordusu son günlər Rusiya hərbi aviasiyasının köməyi ilə Türkmən dağı zonasında türkmən hərbi qruplarına qarşı hərbi əməliyyat keçirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
