Sənaye və energetika

Ana səhifə

Bolqarıstan Nabucco qaz kəməri ilə bağlı sazişi ratifikasiya edib

03 fevral 2010 21:15 (UTC +04:00)

Bakı-APA. Bolqarıstan parlamenti bu gün Xəzəryanı regiondan Avropaya təbii qazın nəqlini nəzərdə tutan Nabucco qaz kəməri ilə bağlı sazişi təsdiqləyib.
Bu barədə APA «Rosbizneskonsaltinq»ə istinadən məlumat verir.

Xatırladaq ki, Nabucco qaz kəmərinin layihə uzunluğu 3,3 min km-dir.
adı çəkilən kəmər vasitəsilə Mərkəzi Asiyanın təbii qaz ehtiyatları Rusiyadan keçməməklə Avropa İttifaqı ölkələrinə, ilk növbədə Avstriya və Almaniyaya nəql olunmalıdır.

Layihə gücü ildə 26-32 mlrd. kub/metr olan kəmərin tikpntisinə dair konsorsiumda OMV Gas GmbH (Avstriya), Botaş (Türkiyə), Bulgargaz (Bolqarıstan), S.N.T.G.N. Transgaz S.A. (Rumıniya), MOL Natural Gas Transmission Company Ltd. (Macarıstan), RWE (Almaniya) şirkətləri iştirak edirlər.

Qaz kəmərinin 2015-ci ildə istismara verilməsi nəzərdə tutulur.

Nabucco layihəsi 2004-cü ildə təqdim olunub və İranın Fars Körfəzindəki qaz ehtiyatlarının nəqlini nəzərdə tuturdu.

2006-cı ildə İranın nüvə proqrammı ilə əlaqədar olaraq layihənin istiqaməti elə dəyişdirilib ki, Azərbaycan, Türkmənistan və Özbəkistandan qaz nəql etmək mümkün olsun.