Qazaxıstanın Energetika Nazirliyi 24 neft-qaz sahəsini elektron hərraca çıxarır.
Bu barədə "APA-Economics" nazirliyin yaydığı məlumata istinadən xəbər verir.
"Qazaxıstan Respublikasının Energetika Nazirliyi karbohidrogenlər üzrə yerin təkindən istifadə hüququnun verilməsi üçün elektron hərracın keçiriləcəyini elan edir", - məlumatda bildirilir.
Şərtlərə əsasən, Xəzəryanı çöküntü hövzəsi daxilində tam və ya qismən yerləşən kəşfiyyat və hasilat sahələri üzrə geoloji-kəşfiyyat işlərinin dərinliyi mütləq mənfi 5 000 metr səviyyəsi ilə məhdudlaşdırılır.
Məlumata görə, hərracın qalibləri müqavilə bağlandıqdan sonra bir il ərzində kəşfiyyat işləri layihəsini hazırlamalı, üç il ərzində 2D seysmik-kəşfiyyat işləri üzrə minimum tələbləri yerinə yetirməli, dörd il ərzində isə ən azı bir kəşfiyyat quyusunun qazılması üzrə minimum tələbləri icra etməlidirlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
