Marneuli. Nizami Məmmədzadə-APA. Dünən gecədən başlayan güclü yağış azərbaycanlıların kompakt yaşadığı Marneuli şəhərində fəsadlar törədib. APA-nın Gürcüstan bürosunun məlumatına görə, güclü leysan yağışların güclənməsi nəticəsində küçələrə və evlərə, həyətyanı sahələrə su dolub, əkin sahələri sel suları altında qalıb, avtomobillərin hərəkəti çətinləşib. Daha acınacaqlı vəziyyət Marneuli şəhərindəki Çolakaşvili küçəsində yaranıb. Burada yaşayan sakinlər yaşadıqları binaya daxil olmaq üçün rezin çəkmələr geyməyə məcbur olublar. Küçədə yerləşən binanın sakinləri Marneuli rayon icra hakimiyyəti başçısına küçəyə asfalt və kanalizasiya xətti çəkmək üçün kollektiv şəkildə ərizə ilə müraciət ediblər. Rayon rəhbərliyindən bildirilib ki, yaxın vaxtlarda küçəyə asfalt örtüyü çəkiləcək.
Qeyd edək ki, Gürcüstanın sinoptikləri yağışların aprelin sonunadək davam edəcəyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
