Sosial

Ana səhifə

Sosial

Mayın bəzi günlərində Azərbaycan ərazisində temperatur iqlim normasından aşağı olacaq

01 may 2009 14:00 (UTC +04:00)

Bakı. İlhamə İsabalayeva - APA. May ayında Azərbaycan ərazisində havanın orta aylıq temperaturunun iqlim normasına yaxın olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, bəzi günlərdə soyuq atmosfer cəbhələrinin keçməsi ilə əlaqədar temperaturun iqlim normasından bir qədər aşağı olacağı, üçüncü ongünlükdə isə bir qədər yüksələcəyi proqnozlaşdırılır.
Aylıq yağıntının miqdarı iqlim normasına yaxın, Böyük Qafqazın bəzi rayonlarında isə aylıq normadan bir qədər çox olacaq.

May ayı ərzində Bakı və Abşeron yarımadasında havanın orta aylıq temperaturunun 18-19 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr havanın temperaturu 10-14, gündüzlər 18-23 dərəcə isti olacaq, bəzi günlərdə temperatur 25-30 dərəcəyədək yüksələcək. Aylıq yağıntının miqdarının iqlim normasına yaxın (norma 18-21 mm) olacağı proqnozlaşdırılır.

Naxçıvan Muxtar Respublikasında havanın orta aylıq temperaturunun 18-20 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 11-16 dərəcə isti, gündüzlər 18 -23, sonrakı günlərdə 25-28 dərəcə isti olacaq, üçüncü ongünlüyün bəzi günlərində isə temperatur 30-32 dərəcəyədək yüksələcək. Yağıntının aylıq miqdarının iqlim normasına yaxın, bəzi yerlərdə isə bir qədər çox (norma 33-62 mm) olacağı gözlənilir.

Yuxarı Qarabağ-Xankəndi, Xocavənd, Zəngilan, Qubadlı, Şuşa, Xocalı, Laçın, Kəlbəcər, Daşkəsən-Gədəbəy zonalarında havanın orta aylıq temperaturunun 9-13 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr 4-9, gündüzlər 10-15 dərəcə isti olacaq, ayrı-ayrı günlərdə 19-24 dərəcəyədək yüksələcək. Yağıntının aylıq yağıntının miqdarının iqlim normasına yaxın (norma 68-122 mm) olacağı ehtimal olunur.

Qazax-Gəncə, Tərtər, Ağdam-Füzuli-Cəbrayılda havanın orta aylıq temperaturun 17-19 dərəcə isti olacağı gözlənilir ki, bu da iqlim normasına yaxındır. Gecələr 10-14, gündüzlər 18-22 dərəcə isti olacaq, ayrı-ayrı günlərdə 26-29 dərəcəyədək yüksələcək. Aylıq yağıntının miqdarının iqlim normasına yaxın (norma 43-68 mm) olacağı proqnozlaşdırılır.

Balakən-Şəki-Zaqatala-Qəbələ, Şamaxı-İsmayıllı, Xızı, Siyəzən-Dəvəçi, Quba-Qusar-Xaçmazda havanın orta aylıq temperaturunun 16-18 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr 9-13, gündüzlər 17-22 dərəcə isti olacaq, ayrı-ayrı günlərdə 24-27 dərəcəyədək yüksələcək. Yağıntının aylıq miqdarının iqlim normasına yaxın (norma 76-166 mm) olacağı proqnozlaşdırılır.

Mərkəzi Aran rayonlarında - Mingəçevir, Yevlax, Kürdəmir, İmişli, Beyləqan, Sabirabad, Saatlı, Şirvan, Salyan, Neftçalada havanın orta aylıq temperaturun 19-21 dərəcə isti olacağı ehtimal olunur ki, bu da iqlim normasına yaxın və 1 dərəcə yüksəkdir. Gecələr 12-15, gündüzlər 20-25 dərəcə isti, ayrı-ayrı günlərdə 27-32 dərəcəyədək yüksələcək. Yağıntının aylıq miqdarının iqlim normasına yaxın (norma 26-62 mm), bəzi yerlərdə isə qədər çox olacağı proqnozlaşdırılır.

Masallı-Lənkəran-Astara-Lerik-Yardımlıda havanın orta ayrıq temperaturunun 17-19 isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr 11-14, gündüzlər 19-24 dərəcə isti, bəzi günlərdə temperatur 26-29 dərəcəyədək yüksələcək. Yağıntının aylıq miqdarının iqlim normasına yaxın (norma 41-72 mm) olacağı gözlənilir.

hava