Sosial

Ana səhifə

Sosial

Apreldə Azərbaycan ərazisində havanın orta aylıq temperaturu iqlim normasından yüksək olacaq

31 mart 2010 09:57 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, aylıq yağıntının miqdarının iqlim normasına yaxın, bəzi aran rayonlarda isə normadan az olacağı ehtimal olunur.

Aprel ayı ərzində Bakı və Abşeron yarımadasında havanın orta aylıq temperaturunun 12-14 dərəcə isti olacağı gözlənilir ki, bu da iqlim normasına yaxın və 1-2 dərəcə yüksəkdir. Gecələr havanın temperaturu 6-11 dərəcə isti, ayın ikinci yarısında 12-14 dərəcə isti təşkil edəcək. Gündüzlər 13-18 dərəcə isti olacaq, ayrı-ayrı günlərdə temperatur 20-25 dərəcəyədək yüksələcək. Aylıq yağıntının miqdarının iqlim normasına yaxın olacağı proqnozlaşdırılır.

Naxçıvan Muxtar Respublikasında havanın orta aylıq temperaturunun 14-16, ayın ikinci yarısında 18-20 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr havanın temperaturu ayın birinci yarısında 4-8, ayın ikinci yarısında 9-12 dərəcə isti təşkil edəcək. Gündüzlər havanın temperaturu ayın birinci yarısında 17 -22 dərəcə isti olacaq, ayın ikinci yarısında ayrı-ayrı günlərdə isə 25-29 dərəcəyədək yüksələcək. Yağıntının aylıq miqdarının iqlim normasına yaxın olacağı gözlənilir.

Yuxarı Qarabağ-Xankəndi, Xocavənd, Şuşa, Xocalı, Zəngilan, Qubadlı, Laçın, Kəlbəcər, Daşkəsən-Gədəbəy zonalarında havanın orta aylıq temperaturunun 8-11 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr havanın temperaturu 4-9 dərəcə isti təşkil edəcək. Gündüzlər ayın birinci yarısında 10-15 dərəcə isti olacaq, ayın ikinci yarısında ayrı-ayrı günlərdə 17-22 dərəcəyədək yüksələcək. Yağıntının aylıq yağıntının miqdarının iqlim normasına yaxın olacağı ehtimal olunur.

Qazax-Gəncə, Goranboy, Tərtər, Ağdam-Ağcabədi-Füzuli-Cəbrayılda havanın orta aylıq temperaturunun 14-16 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr havanın temperaturu 6-11 dərəcə isti təşkil edəcək. Gündüzlər ayın birinci yarısında 16-21 dərəcə isti olacaq, ayın ikinci yarısında ayrı-ayrı günlərdən 23-28 dərəcəyədək yüksələcək. Aylıq yağıntının miqdarının iqlim normasına yaxın olacağı proqnozlaşdırılır.

Balakən-Şəki-Zaqatala-Oğuz-Qəbələ, Şamaxı-İsmayıllı, Xızı, Siyəzən-Dəvəçi, Quba-Qusar-Xaçmazda havanın orta aylıq temperaturunun 12-14 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr 4-9 dərəcə isti gözlənilir. Gündüzlər ayın birinci yarısında 14-19 dərəcə isti olacaq, ayın ikinci yarısında ayrı-ayrı günlərdə temperatur 21-26 dərəcəyədək yüksələcək. Yağıntının aylıq miqdarının iqlim normasına yaxın olacağı gözlənilir.

Mərkəzi Aran rayonlarında - Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçalada havanın orta aylıq temperaturunun 15-17 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr 8-12 dərəcə isti gözlənilir. Gündüzlər ayın birinci yarısında 18-23 dərəcə isti olacaq, ayın ikinci yarısında ayrı-ayrı günlərdə temperatur 25-30 dərəcəyədək yüksələcək. Yağıntının aylıq miqdarının iqlim normasına yaxın olacağı gözlənilir.

Masallı-Lənkəran-Astara-Lerik-Yardımlıda havanın orta ayrıq temperaturunun 12-15 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr 6-10 dərəcə isti olacaq. Gündüzlər ayın birinci yarısında 16-21 dərəcə isti olacaq, ayın ikinci yarısında ayrı-ayrı günlərdə temperatur 22-26 dərəcəyədək yüksələcək. Yağıntının aylıq miqdarının iqlim normasına yaxın olacağı gözlənilir.

hava