Sosial

Ana səhifə

Sosial

Azərbaycanda dayə kursları açmaq təklif olunur

24 yanvar 2012 07:57 (UTC +04:00)

Çünki dayə ananı əvəz edir və uşağın tərbiyəsi ilə məşğul olur. Onun uşağı necə tərbiyə etməsi isə gələcək nəslin formalaşmasına təsir edir”. Bu barədə APA-ya açıqlamasında Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova bildirib. S. Qəhrəmanova deyib ki, problemin həll olunması üçün peşə məktəblərində bu peşənin öyrənilməsi vacibdir: “Bizim cəmiyyətimizdə ixtisaslaşmış dayələrə ehtiyac var. Peşə məktəblərində dayə hazırlamaq olar. Bu işə orta və ali ixtisas təhsili olan, amma özlərinə iş tapa bilməyən müəllimlər də cəlb edilə bilər. Onları peşəkar dayə kimi hazırlayıb əhalinin ehtiyaclarını ödəmək olar. Komitə peşə məktəblərində dayələrin hazırlanması məsələsi ilə bağlı təkliflər irəli sürür. Ümid edirəm ki, bu təkliflərin reallaşmasına imkan və şərait yaradılacaq”.

S. Qəhrəmanovanın sözlərinə görə, Əmək və Əhalinin Sosial Müdafiəsi Nazirliyinin Baş Məşğulluq Mərkəzi və yerlərdə olan məşğulluq idarələrində dayələrin bankını yaratmaq olar: “Belə bir bank yaradılsa, dayəyə ehtiyacı olan ailələr bu idarələrə müraciət edərək uşaqları üçün peşəkar və sertifikatlı dayələr tapa bilərlər”.

Təhsil Nazirliyinin texniki peşə təhsili şöbəsinin müdiri Namiq Məmmədov isə APA-ya bildirib ki, 7-8 il bundan əvvəl Azərbaycanda fəaliyyət göstərən peşə məktəblərində dayə hazırlayan kurslar olub. Amma sonralar həmin məktəblərdə belə kadrların hazırlanması dayandırılıb: “Peşə məktəblərində ixtisaslı dayələr hazırlamaq olar, hazırlanmalıdır da. Hazırda Avropa ölkələrində dayələr elə peşə məktəbində hazırlanır. Azərbaycanda da belə kurslar var idi. Hətta 2002-ci ildə peşə-təhsil sahəsində ixtisasların siyahısına dayə hazırlanması ilə bağlı bir illik kurslar da daxil edilmişdi. Nazirlik tərəfindən belə bir təşəbbüs qaldırılmışdı ki, bu ixtisas peşə məktəblərində tədris olunsun. Lakin müzakirələr zamanı bu sahənin daha çox tibbə aid olduğu əsas gətirildiyindən bu ixtisas üzrə kadr hazırlığı dayandırıldı. Artıq 7-8 ildir ki, Azərbaycanda bu sahə üzrə kadr hazırlanmır”.

N. Məmmədov bildirib ki, hazırda cəmiyyətdə qadınların iş həyatına atılma səviyyəsi yüksəlir və dayələrə ehtiyac artır: “Dayəçilik məsələsi öz axarına buraxılsa, cəmiyyətdə baş verən xoşagəlməz hadisələrin qarşısını almaq mümkün olmayacaq. İstənilən şəxs dayə ola bilməz, çünki burada psixoloji və intellektual amillər var. Sadəcə, uşağa baxmaq, yedizdirmək, təhlükəsizliyinə diqqət etmək yox, başqa amillər də var. Ona görə də, bu məsələ sistemə salınmalı, sertifikatlı dayələr hazırlanmalıdır”.

Şöbə müdiri deyib ki, peşə məktəblərində dayə hazırlanması ilə bağlı xüsusi proqram işlənilməli və baza müəyyənləşdirilməlidir: “Ailə, Qadın və Uşaq Problemlər üzrə Dövlət Komitəsi bizə belə bir təkliflə müraciət etsə, biz bu işlə məşğul olmağa hazırıq. Onu da deyim ki, hər məktəbdə dayə hazırlamaq olmaz. Bu, hərc-mərcliyə gətirib çıxara bilər. Yəni istənilən şəxs dayəçilik kursları açar və yalançı sertifikatlar verər. Ona görə də bu məsələ sistemləşdirilməlidir”.
N. Məmmədovun sözlərinə görə, bu cür kurslar qısamüddətli olmalıdır: “Dayə olmaq üçün heç kəs 2-3 il oxumur. Bu kurslar təxminən 1 illik olur”.

dayə