Sosial

Ana səhifə

Sosial

Putin qanunsuz miqrantların 10 il Rusiyaya buraxılmamasını təklif edib

26 yanvar 2012 15:59 (UTC +04:00)

Bakı - APA-Economics. Rusiyanın baş naziri Vladimir Putin Federal Miqrasiya Xidmətinin rəhbəri Konstantin Romodanovski ilə görüşündə miqrasiya qanunvericiliyini pozaraq məhkəmənin qərarı ilə ölkədən çıxarılanların 5-10 il müddətinə Rusiyaya girişinin qadağan olunmasını təklif edib.

“APA-Economics”in “RİA Novosti”yə istinadən xəbərinə görə, baş nazir deyib ki, Rusiyada qeyri-leqal yaşayan əcnəbilərə iş və yaşayış yeri verənlər cinayət məsuliyyətinə cəlb oluna bilər.

K.Romodanovski isə qanunsuz miqrasiyanın təşkilatçılarının 5 ilədək azadlıqdan məhrum oluna biləcəyini söyləyib. Görüşdə qeyd olunub ki, hazırda qanunsuz miqrantların iş və yaşayış yeri ilə təmin olunmasına görə cüzi cərimə ilə cəzalandırılır, qanunsuz miqrasiyanın təşkilinə görə 5 ilədək azadlıqdan məhrumetmə cəzası nəzərdə tutulur.

V.Putin Rusiyanın özünü dünyadan təcrid etmək niyyətində olmadığını bildirib: “Biz yalnız miqrasiya siyasətinə dair tələbləri sərtləşdirmək niyyətindəyik. Bu yaxınlarda bəzi dostlarım mənə dedilər ki, bir sıra iri şəhərlərdə camaat miqrantlara görə bayram günlərində evdən bayıra çıxmır”.