Sosial

Ana səhifə

Sosial

Azərbaycanda Təhlükəsiz və Sağlam Əmək Şəraiti üzrə Milli Üçtərəfli Sosial Şura yaradılıb - FOTO

Azərbaycanda Təhlükəsiz və Sağlam Əmək Şəraiti üzrə Milli Üçtərəfli Sosial Şura yaradılıb - <font color=red>FOTO</font>

27 yanvar 2012 09:57 (UTC +04:00)

Bakı. Elnur Hüseynquluyev - APA-Economics. Bu gün Azərbaycan Əmək və Əhalinin Sosial Müdafiəsi Nazirliyində «Sosial Tərəfdaşlıq: Əməyin mühafizəsi, risklərin qiymətləndirilməsi və iş yerlərinin attestasiyası» mövzusunda keçirilən konfransda sosial tərəfdaşlar tərəfindən Təhlükəsiz və Sağlam Əmək Şəraiti (TSƏŞ) üzrə Milli Üçtərəfli (tripartial) Sosial Şuranın yaradılması ilə bağlı qərar qəbul edilib, Şuranın əsasnaməsi təsdiq edilib.

«APA-Economics»in məlumatına görə, qərarı əmək və əhalinin sosial müdafiəsi naziri Füzuli Ələkbərov, Azərbaycan Həmkarlar İttifaqları Konfederasiyasının sədri Səttar Mehbalıyev və Azərbaycan Sahibkarlar Konfederasiyasının Məmməd Musayev imzalayıblar.

Tədbirdə iştirak edən F.Ələkbərov bildirib ki, iş yerlərində təhlükəsiz və sağlam əmək şəraitinin yaradılması üçün riskin düzgün qiymətləndirilməsi, iş yerlərinin attestasiyasının vaxtında və keyfiyyətlə aparılması, ümumən işəgötürənlərin bu məsələlərə məsuliyyətlə yanaşması olduqca vacibdir. Bununla bağlı ötən il Ümumdünya Əməyin Mühafizəsi günü ilə əlaqədar keçirilən konfransda belə bir Şuranın yaradılması təklifi irəli sürülüb və təklif sosial tərəfdaşlar tərəfindən dəstəklənib. Bu sahədə mühüm uğurların qazanılması üçün sosial tərəfdaşların (Əmək və Əhalinin Sosial Müdafiəsi Nazirliyi, Azərbaycan Həmkarlar İttifaqları Konfederasiyası və Azərbaycan Sahibkarlar Konfederasiyası) səylərinin birləşdirilməsi və əlaqəli fəaliyyətinin təşkili vacib şərtlərdən biridir.

Nazir bildirib ki, yeni yaradılan Sosial Şura ixtisaslaşmış vətəndaş cəmiyyətləri ilə fəal əməkdaşlıq sahəsində nazirliyin malik olduğu müsbət təcrübənin daha bir uğurlu davamıdır. Belə ki, 2011-ci ilin ortalarında nazirlik yanında ixtisaslaşmış QHT-lərin təmsil olunduğu və tərkibində nazirliyin fəaliyyət istiqamətləri üzrə işçi qrupların formalaşdığı İctimai Şura fəaliyyət göstərir.

Tədbirdə M.Musayev və S.Mehbalıyev Sosial Şuranın yaradılmasının iş yerlərində təhlükəsiz və sağlam əmək şəraitinin qurulması üçün böyük əhəmiyyətindən danışıblar.

Daha sonra konfransda MDB məkanında ilk dəfə yaradılan Üçtərəfli Sosial Şuranın Baş Kollektiv Sazişdə nəzərdə tutulan sosial tərəfdaşlıq prinsiplərini yeni formatda daha dolğun şəkildə təcəssüm etdirəcəyinə və əməyin mühafizəsi ilə bağlı dövlət siyasətinin inkişafına töhfələr verəcəyinə əminlik ifadə olunub.