Sosial

Ana səhifə

Sosial

Bakıda “Azərsu”nun müştəri xidmətləri şöbələri yaradılıb

27 yanvar 2012 10:50 (UTC +04:00)

Bakı. Əli Əhmədov - APA-Economics. İçməli su və kanalizasiya xidmətlərindən istifadə edən istehlakçıların müraciətlərinə operativ baxılması və həlli məqsədilə “Azərsu” Acıq Səhmdar Cəmiyyətinin Bakı Sukanal İdarəsinin 11 rayon Departamentində Müştəri xidmətləri şöbəsi yaradılıb.

“Azərsu” ASC-nin Mətbuat xidməti və ictimaiyyətlə əlaqələr şöbəsindən «APA-Economics»ə verilən məlumata görə, yeni yaradılan şöbə həm əhali, həm də qeyri-əhali abunəçiləri ilə müqavilələrin bağlanması, onlardan daxil olan ərizə, şikayət və təkliflərin araşdırılması, yaranmış problemlərin qısa müddətdə aradan qaldırılması ilə məşğul olacaq.

Abunəçilərdən daxil olmuş müraciətlərin hər biri Müştəri xidmətləri şöbəsində qeydiyyata alınacaq və araşdırmaların nəticələri barədə onlara məlumat veriləcək. Rayon Sukanal Departamentlərində Müştəri xidmətləri şöbəsinin yaradılması istehlakçılarla münasibətləri tənzimləməklə yanaşı, mübahisələrin yerli səviyyədə operativ həllinə imkan verəcək.

Müştəri xidmətləri şöbələrinin əlaqə telefonları:

Sabunçu 429-62-96
Suraxanı 477-90-47
Xəzər 454-08-13
Nizami 511-74-63
Nəsimi 530-26-67
Səbail 492-07-34
Yasamal 432-01-34
Xətai 379-20-86
Nərimanov 562-64-88
Binəqədi 555-13-65
Qaradağ 445-07-27