Sosial

Ana səhifə

Sosial

Azərbaycan ərazisində mart ayı üçün hava proqnozu: ayın ilk günlərində hava kəskin soyuyacaq, sonunda isə temperatur 23-25 dərəcəyədək yüksələcək

28 fevral 2012 12:37 (UTC +04:00)

Nisbətən mülayim günlər soyuq atmosfer cəbhələrinin keçməsi ilə əlaqədar soyuq və yağıntılı günlərlə əvəz olunacaq. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, ay ərzində ümumi temperatur rejiminin dəyişkən olacağı gözlənilir. Belə ki, ayın birinci yarısında temperaturun iqlim normasından bir qədər aşağı, bəzi günlərdə normaya yaxın, üçüncü ongünlükdə isə iqlim normasından yüksək olacağı proqnozlaşdırılır. Aylıq yağıntının miqdarının iqlim normasından çox, bəzi yerlərdə isə normaya yaxın olacağı ehtimal olunur.

Bakı və Abşeron yarımadasında otra aylıq temperatur 6-8 dərəcə isti olacaq ki, bu da iqlim normasına yaxındır. Gecələr temperatur 3-6, birinci ongünlüyün bəzi günlərində 0-2 dərəcə isti təşkil edəcək. Gündüzlər 7-12, ayın ilk günlərində 2-5, üçüncü ongünlüyün bəzi günlərində isə 18-23 dərəcə isti gözlənilir. Aylıq yağıntının miqdarı iqlim normasına yaxın olacaq.

Naxçıvan Muxtar Respublikasında otra aylıq temperaturun 6-8 dərəcə isti olacağı gözlənilir ki, bu da iqlim normasına yaxındır. Birinci ongünlüyün bəzi günlərində gecələr 1-6 dərəcə şaxta, gündüzlər 8-13, ayın ilk günlərində 3-6 dərəcə isti olacaq, üçüncü ongünlüyün bəzi günlərində 20-25 dərəcəyədək yüksələcək. Aylıq yağıntının miqdarı iqlim normasına yaxın, bəzi yerlərdə isə normadan bir qədər çox olacaq.

Yuxarı Qarabağ: Xankəndi, Şuşa, Xocalı, Xocavənd; Qubadlı, Zəngilan, Laçın, Kəlbəcər və Daşkəsən, Gədəbəy rayonlarında havanın orta aylıq temperaturu 2-4 dərəcə isti olacaq ki, bu da iqlim normasına yaxındır. Gecələr temperatur 0-3 dərəcə isti, birinci ongünlüyün bəzi gecələrində 2-7 dərəcə şaxta, üçüncü ongünlükdə 2-6 dərəcə isti təşkil edəcək. Gündüzlər 4-9 dərəcə isti, ayın ilk günlərində 0-5 dərəcə şaxta, üçüncü ongünlüyün bəzi günlərində isə 14-19 dərəcəyədək isti olacaq. Aylıq yağıntının miqdarı iqlim normasına yaxın, bəzi yerlərdə isə normadan bir qədər çox olacaq.

Qazax-Gəncə, Goranboy, Tər-Tər-Ağdam-Ağcabədi-Füzuli-Cəbrayıl rayonlarında havanın orta aylıq temperaturu 6-8 dərəcə isti gözlənilir ki, bu da iqlim normasına yaxındır. Gecələr temperatur 1-5 dərəcə isti, birinci ongünlüyün bəzi günlərində 0-3 dərəcə şaxta təşkil edəcək. Gndüzlər 6-11, ayın ilk günlərində 2-5 dərəcə isti olacaq, üçüncü ongünlüyün bəzi günlərində 18-23 dərəcəyədək yüksələcək. Aylıq yağıntının miqdarı iqlim normasına yaxın, bəzi yerlərdə isə normadan bir qədər çox olacaq.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperatur 5-8 dərəcə isti gözlənilir ki, bu da kiçik mənfi və müsbət fərqlə iqlim normasına yaxındır. Gecələr temperatur 0-5 dərəcə isti, birinci ongünlüyün bəzi gecələrində 1-6 dərəcə şaxta təşkil edəcək. Gündüzlər 6-11 dərəcə isti, ayın ilk günlərində 1 dərəcə şaxtadan 4 dərəcəyədək isti olacaq, üçüncü ongünlüyün bəzi günlərində 15-20 dərəcəyədək yüksələcək. Aylıq yağıntının miqdarı iqlim normasına yaxın, bəzi yerlərdə isə normadan bir qədər çox olacaq.

Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında havanın orta aylıq temperaturunun 8-10 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr temperatur 3-7 dərəcə isti, birinci ongünlüyün bəzi gecələrində 1 dərəcə şaxtadan 2 dərəcəyədək isti təşkil edəcək. Gündüzlər 8-13, ayın ilk günlərində 4-6, üçüncü ongünlüyün bəzi günlərində isə 20-25 dərəcəyədək isti olacaq. Aylıq yağıntının miqdarı iqlim normasına yaxın, bəzi yerlərdə normadan bir qədər çox olacaq.

Masallı-Lənkəran-Astara-Lerik, Yardımlı rayonlarında havanın orta aylıq temperaturunun 5-8 dərəcə isti olacağı gözlənilir ki, bu da iqlim normasına yaxındır. Gecələr 2-7 dərəcə isti, birinci ongünlüyün bəzi günlərində 0-5 dərəcə şaxta təşkil edəcək. Gündüzlər 8-12, ayın ilk günlərində 4-6, üçüncü ongünlüyün bəzi günlərində isə 20-25 dərəcəyədək isti olacaq. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir.

hava