Yay aylarında günvurma ilə bağlı risk qrupuna daxil olanlar daha çox uşaqlar və yaşı 65-dən yuxarı olanlar, ürək-damar xəstəliklərindən, piylənmədən əziyyət çəkənlərdirlər.
APA xəbər verir ki, bunu Səhiyyə Nazirliyinin mütəxəssis-eksperti, terapevt Günay İsmayılova deyib. Həkim bildirib ki, Günəş şüalarının insan orqanizminə faydaları olduğu kimi, son zamanlar aparılan araşdırmalara görə, təhlükəli olan şüaları da var:
“Buna görə xüsusilə də risk qrupuna daxil olanlar diqqətli olmalıdırlar. Tövsiyə olunmayan saatlarda açıq havada çox qalmamalıdırlar. Son vaxtlar Günəş şüalarının mənfi nəticələrindən biri kimi dəri xərçənginə çox rast gəlinir”, - deyə həkim qeyd edib.
Həkim bildirib ki, D vitaminin 80 faizi dəridə yaranır, buna görə gün vannalarının qəbulu tövsiyə olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
