Avropa İnsan Hüquqları Məhkəməsi “Avanesyan və Karapetyan Ermənistana qarşı” iddiası ilə çıxardığı qərarla sübut etdi ki, hələ İkinci Qarabağ müharibəsi başlamazdan əvvəl Ermənistanın işğalçı qüvvələri Azərbaycan ərazisində yerləşib.
Bunu Vesti.az-a açıqlamasında hüquqşünas, Vəkillər Kollegiyasının rəyasət heyətinin üzvü Muxtar Mustafayev deyib.
Hüquqşünas qeyd edib ki, Avropa Məhkəməsində işə baxılarkən Ermənistan belə mövqe tutmağa çalışıb ki, bu, qondarma respublikanın ərazisində baş verib və ona görə də onlar buna görə məsuliyyət daşıya bilməzlər.
“Avropa İnsan Hüquqları Məhkəməsi Ermənistanın bu mövqeyini qəbul etmir. O, Ermənistan ordusunu işğalçı kimi tanıyıb, yəni Ermənistanın Qarabağ ərazisində effektiv idarəçilik həyata keçirdiyini təsdiqləyib”, - vəkil bildirib.
Muxtar Mustafayevin şərhinə görə, Qarabağın Ermənistan tərəfindən işğalı və Qarabağa ordu korpusunun yerləşdirilməsi Avropa Məhkəməsinin qərarı ilə təsdiqlənib.
“Onlar iddia edirdilər ki, Qarabağ ərazisində heç bir erməni silahlı qüvvələri yoxdur və orada qondarma “DQR”in özünümüdafiə ordusu yerləşir. Bu fakt konkret olaraq göstərir ki, onlar Ermənistanda hərbi xidmətə çağırılıb və Ermənistan Respublikasının nəzarətində olan işğalçı qüvvələrin tərkibində hərbi qulluqçu kimi xidmətə göndəriliblər”, - vəkil qeyd edib.
Qeyd edək ki, Avropa İnsan Hüquqları Məhkəməsi 2023-cü il oktyabrın 17-də Avanesyan və Karapetyanın valideynlərinin Ermənistana qarşı iddiası üzrə qərar qəbul edib.
Xatırladaq ki, Qarabağdakı hərbi hissəyə göndərilən Avanesyan və Karapetyan çıxan münaqişə nəticəsində qeyri-müəyyən şəraitdə həlak olublar. Ölən əsgərlərin valideynləri işin ədalətli araşdırılmadığını əsas gətirərək Ermənistana qarşı iddia irəli sürüblər.
Ərizəçilərin fikrincə, Ermənistan hakimiyyəti bütün məsul şəxslərin, o cümlədən yüksək rütbəli komandirlərin müəyyən edilməsi və cəzalandırılması üçün effektiv araşdırma aparmayıb.
Strasburq məhkəməsi hər bir ərizəçiyə təzminat kimi 30 min avro ödənilməsinə qərar verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
