Bakı. Könül Kamilqızı - APA. Azərbaycanda insanların İİV virusuna yoluxmasının qarşısını almaq üçün testləşmənin əlçatanlığını təmin etmək məqsədilə şəbəkələr yaradılır.
APA-nın xəbərinə görə, bunu Respublika QİÇS-lə Mübarizə Mərkəzinin direktoru Esmira Alməmmədova Bakıda keçirilən “Dünya QİÇS həftəsi ərəfəsində yeniyetmələrin İİV testindən keçməsi istiqamətində təbliğat” mövzusunda beynəlxalq konfransda çıxışı zamanı deyib. O bildirib ki, ölkə ərazisində yaradılacaq 50 könüllü müayinə məntəqələri həmin şəbəkəyə qoşulacaq.
E.Alməmmədovanın sözlərinə görə, hər bir şəxs yardım almaqla yanaşı, testdən keçib 20-30 dəqiqə ərzində öz cavabını alacaq: “Hazırda belə məntəqələrin 37-si artıq fəaliyyət göstərir. 6 mobil səyyar məntəqə fəaliyyət göstərir ki, onlardan 2-si Bakı şəhərində, 1-i Sumqayıtda, qalanları isə Şirvan, Lənkəran və Gəncə şəhərindədir. Bu məntəqələr həmin infeksiyanın yayılması göstəriciləri yüksək olan regionları əhatə edir. Səyyar məntəqələrinin fəaliyyəti İİV virusuna yoluxan insanları müayinəyə cəlb etmək məqsədi daşıyır”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
