Bakı. Gülnar Bəşirova - APA. Ombudsman Aparatının nümayəndələri müvəqqəti saxlanma yerlərinə, polis bölmələrinə və məntəqə tipli cəzaçəkmə müəssisələrinə başçəkmələr həyata keçirib.
Aparatın mətbuat xidmətindən APA-ya verilən məlumata görə, Ombudsmanın İşgəncələrin qarşısının alınması üzrə Milli Preventiv Qrupunun (MPQ) üzvləri Daxili İşlər Nazirliyinin Sumqayıt Şəhər Polis İdarəsinin müvəqqəti saxlama yerinə (MSY), həmin idarənin 1, 2, 3 və 4-cü polis bölmələrinə, Abşeron Rayon Polis Şöbəsinə və bu şöbənin MSY-sinə, habelə Ədliyyə Nazirliyi Penitensiar Xidmətinin 6 və 14 saylı məntəqə tipli cəzaçəkmə müəssisələrinə planlı baş çəkiblər.
Başçəkmələr zamanı saxlanılma şəraiti və rəftar məsələləri araşdırılıb, bununla bağlı şikayətlər daxil olmayıb. Həmçinin saxlanılan şəxslərə hüquqları izah edilib, MPQ-nin həkim üzvü onların hər birinin səhhəti ilə maraqlanıb.
Qrupun üzvləri adı çəkilən müəssisələrin rəhbərlərinə başçəkmənin yekununda müvafiq tövsiyələr veriblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
