Bakı - APA. Fövqəladə Hallar Nazirliyinin (FHN) Dövlət Sularda Xilasetmə Xidmətinə Bakının Qaradağ rayonunda 1 nəfərin dənizdə çimərkən batmaq təhlükəsi ilə üzləşməsi barədə məlumat daxil olub.
APA-nın FHN-nin saytına istinadən verdiyi məlumata görə, Xidmətin xilasediciləri hadisə yerinə cəlb olunaraq vətəndaşı sudan çıxarıblar.
Bakının Sabunçu rayonunda da 1 nəfər dənizdə çimərkən batmaq təhlükəsi ilə üzləşib.
Hadisə yerinə cəlb olunan xilasedicilər həmin şəxsi də sudan çıxararaq aidiyyəti üzrə təhvil veriblər.
***
saat 13.49
Bakı-APA. Bu gün Fövqəladə Hallar Nazirliyinin Dövlət Sularda Xilasetmə Xidmətinə Bakı şəhəri, Sabunçu rayonunda (ən yaxınlıqdakı məntəqədən 500 m aralıda, nəzarətsiz ərazidə) 3 nəfərin dənizdə çimərkən batmaq təhlükəsi ilə üzləşməsi barədə məlumat daxil olub.
APA-nın nazirliyin saytına istinadən verdiyi xəbərə görə, dərhal xidmətin xilasediciləri hadisə yerinə cəlb olunaraq zərərçəkmişləri sudan çıxarıblar.