Bakı. Fərid Mirzəyev - APA. Bayram günləri, martın 20-21-də Bakı şəhər Təcili və Təxirəsalınmaz Tibbi Yardım Stansiyasına daxil olan müraciətlərin sayı artıb. Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini Oqtay Şahmalıyev APA-ya açıqlamasında bildirib ki, adi günlərlə müqayisədə müraciətlərin sayının artmasına bayram günlərində poliklinikaların işləməməyi səbəb olur.
O əlavə edib ki, bayram günlərində əsas yük təcili yardımın üzərinə düşür: “Nəticədə də bayram günlərdə təcili yardıma daxil olan müraciətlərin sayı artır”.
Baş həkimin müavini qeyd edib ki, martın 20-21-i tarixlərində müraciətlərin sayı 2400-ə yaxın olub: “Təcili yardıma müraciət edənlərin 8%-i xəstəxanalara yerləşdirilib. Adi günlərdə olduğu kimi bayram günlərində də çağırışlar əsasən ürək, qan-damar sistemi, mədə-bağırsaq pozğunluğu və s. ilə əlaqədar olub”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
