Gəncə. Azər Məmmədli – APA. Gəncədə yol-nəqliyyat hadisəsi baş verib.
APA-nın qərb bürosunun verdiyi məlumata görə, şəhərin “Dəyirman dairəsi” adlanan ərazisində yolu keçmək istəyən Gəncə şəhər sakini, 1987-ci il təvəllüdlü Rüstəmova Könül Elxan qızı hərəkətdə olan “VAZ-2106” markalı avtomobillə vurulub. Xəsarət alan qadın dərhal Gəncə şəhər Təcili Tibbi Yardım xəstəxanasına yerləşdirilib, vəziyyətinin orta-ağır olduğu bildirilir.
Faktla bağlı Gəncə şəhər Baş Polis İdarəsində araşdırma aparılır.