Bakı. Ramiz Mikayıloğlu - APA. Referendumla əlaqədar seçki bülletenlərinin seçki dairələrinə və seçki məntəqələrinə paylanmasına sentyabrın 11-dən başlanması planlaşdırılır.
APA-nın məlumatına görə, bunu Mərkəzi Seçki Komissiyasının (MSK) iclasında sədr Məzahir Pənahov deyib. O xatırladıb ki, 2015-ci il noyabrın 1-də keçirilən seçkilərdə bülletenlərin paylanmasına seçkilərə 10 gün qalmış başlanıb: “Hesab edirəm ki, bu dəfə səsverməyə 15 gün qalmış bülletenlərin paylanması kifayət edər”.
M. Pənahov sentyabrın 1-dən etibarən dairə seçki komissiyaları üçün treninqlərin başlayacağını da açıqlayıb. Tədbirlərdə DSX sədrləri və müvafiq şəxslər iştirak edəcəklər.