Türkiyənin Çorum vilayətinin Osmancık rayonunda avtobusun TIR-a çırpılması nəticəsində ölənlərin sayı 13 nəfərə çatıb.
APA-nın xəbərinə görə, 18 nəfərin xəsarət aldığı bildirilir.
***
09.40
Türkiyənin Çorum vilayətinin Osmancık rayonunda ağır yol-nəqliyyat hadisəsi baş verib.
APA-nın yerli KİV-ə istinadən verdiyi xəbərə görə, sürətlə hərəkət edən sərnişin avtobusu yol kənarında dayanan ağır tonnajlı yük maşınına (TIR) çırpılaraq yanıb. Nəticədə 6 nəfər ölüb, 19 nəfər xəsarət alıb. Ölü sayının artacağı ehtimal edilir.