Bakı. Şəhriyar Əlizadə -APA. Azərbaycan Təhsil Nazirliyi Azərbaycan Müəllimlər İnstitutunun verdiyi diplomun etibarsız hesab edilməsi barədə məhkəməyə müraciət edib.
APA-nın məlumatına görə, nazirlik institutun Qazax filialı tərəfindən Reyhanə Aslanovaya verilən diplomun etibarsız hesab edilməsini istəyib. Nərimanov rayon Məhkəməsində müraciətə baxılıb və iddia təmin olunub. Lakin həmin qərarla razılaşmayan R. Aslanova apellyasiya şikayəti verib. Şikayətə Bakı Apellyasiya Məhkəməsində baxılır.