Bank Of Baku

Azərbaycana gələn əcnəbilərin sayı 7% artıb

Azərbaycana gələn əcnəbilərin sayı 7% artıb
# 23 avqust 2012 08:12 (UTC +04:00)
Bakı. Ülkər Rəşidqızı – APA. Bu ilin yanvar-iyun ayları ərzində Azərbaycana gələn əcnəbi vətəndaşların sayı ötən ilin analoji dövrünə nisbətən 7,1% artaraq 1 088 823 nəfərə çatıb.

Mədəniyyət və Turizm Nazirliyindən APA-ya verilən məlumata görə, hesabat dövründə ən çox artım Almaniya (+67,7%), Özbəkistan (+41,1%), Gürcüstan (+21,9%), Böyük Britaniya (+18,9%), Türkiyə (+15,6%), Ukrayna (+10,8%) və Rusiyadan (+9,8%) gələn turistlərin sayında müşahidə olunub.

MDB ölkələri və Gürcüstan üzrə ümumi artım 13,9% və ya təxminən 90 min nəfər, Avropa ölkələri üzrə 20,6% və ya 30,8 min nəfər, Asiya ölkələri üzrə 11% və ya 1,0 min nəfər, Afrika ölkələri üzrə 25,3% və ya 0,23 min nəfər, Amerika və Avstraliya üzrə isə artım 14% və ya 1,1 min nəfər təşkil edib.

Eyni zamanda, Fars körfəzi və Yaxın Şərq ölkələri üzrə 51,1 min nəfər və ya 34% azalma müşahidə olunub. Bunun əsas səbəbi Yaxın Şərqdə müşahidə olunan qeyri-sabit vəziyyətlə bağlıdır.

Bununla yanaşı, 2011-ci ilin müvafiq dövrü ilə müqayisədə 2012-ci ilin ilk yarısında (1,686 mln. nəfər) xarici ölkələrə gedən Azərbaycan vətəndaşlarının sayında 90,9 min nəfər və ya 5,4% artım qeydə alınıb.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR