Bakı. Ülkər Rəşidqızı-APA. Mədəniyyət və Turizm Nazirliyi ilə ABŞ-ın nüfuzlu CNN telekanalı arasında əməkdaşlıq çərçivəsində telekanal tərəfindən Azərbaycanın qədim guşələrindən biri olan Şəki haqqında reportaj hazırlanıb. Mədəniyyət və Turizm Nazirliyinin mətbuat xidmətindən APA-ya verilən məlumata görə, reportajda qədim İpək Yolunun üzərində yerləşən Şəkinin geniş turizm potensialı, zəngin tarix və mədəniyyət abidələri, əl sənətkarlığı nümunələri, təbii sərvətləri haqqında məlumat verilir və keçmiş dövrlərdən etibarən mühüm ticarət mərkəzlərindən biri olması bildirilir. Bununla yanaşı, televiziya materialında Şəkinin Sovetlər dönənimdə bölgənin əsas ipək istehsalçılarından biri olduğu və hazırda da regionda ipək istehsalının müasir üsullarla davam etdirildiyi qeyd olunur.
Xatırladaq ki, Mədəniyyət və Turizm Nazirliyi CNN telekanalı ilə 2006-cı ildən etibarən əməkdaşlıq edir və telekanalda Azərbaycanın turizm potensialına dair müxtəlif növ reklam çarxları yayımlanır, bir sıra silsilə verilişlər efirə verilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
