Bakı. Hafiz Heydərov – APA. Fövqəladə Hallar Nazirliyi (FHN) Xəzər dənizində itkin düşən balıqçılarla bağlı məlumat yayıb.
APA-nın nazirliyin saytına istinadən verdiyi məlumata görə, bu gün səhər saatlarında Xaçmaz rayonu ərazisindən, 3 nəfər balıqçı dənizə çıxıb. Hazırda onlarla əlaqə kəsilib. Axtarış ərazisi, FHN-in Dövlət Sularda Xilasetmə Xidmətinin ərazi hüdudlarından kənardadır (dənizdə çıxış məsafəsi 2 milə qədər). Hazırda havanın küləkli olduğunu nəzərə alaraq sabah səhər saatlarından etibarən hava şəraiti əlverişli olduğu təqdirdə FHN-in Aviasiya Dəstəsi tərəfindən axtarış-xilasetmə işlərinə start veriləcək.
Qeyd edək ki, APA Xəzər dənizində balıqçıların itkin düşməsi barədə məlumat yayıb. APA-nın şimal bürosunun verdiyi məlumata görə, onlar rayonun Tikanoba kənd sakinləri Həmzə Nurəddinov, Laçın Laçınov və Uzunoba kənd sakini İlqar Daşdəmirovdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
