Gürcüstan parlamentinin sədri Şalva Papuaşvili İstanbulda keçirilən Parlamentlərarası İttifaqın 152-ci Assambleyası çərçivəsində Milli Məclisin sədri Sahibə Qafarova ilə görüşüb.
APA-nın yerli bürosu xəbər verir ki, bu barədə gürcü spiker "X" hesabında bildirib.
O qeyd edib ki, görüş zamanı fəal parlamentlərarası əməkdaşlıq alqışlanıb və Gürcüstanla Azərbaycan arasında strateji tərəfdaşlığa sadiqlik təsdiqlənib.
“Biz bölgəmizdə sülh prosesini müzakirə etdik və strateji enerji layihələrinin irəlilədilməsinin vacibliyini vurğuladıq”, - Papuaşvili yazıb.
Spiker Sahibə Qafarovanı Gürcüstan parlamentinin bu yaxınlarda təsis etdiyi Fəxri medalla təltif edib. O vurğulayıb ki, Milli Məclisin sədri bu mükafata Gürcüstanla Azərbaycan arasında parlament əlaqələrinin möhkəmləndirilməsinə və iki xalq arasında dostluğa verdiyi böyük töhfələrə görə layiq görülüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
