“Nizami Gəncəvi” Beynəlxalq Mərkəzinin baş katibi Rövşən Muradov BMT Sivilizasiyalar Alyansının Ali Nümayəndəsi Migel Angel Moratinos və BMT Baş Assambleyasının 77-ci prezidenti Ksaba Korosi ilə görüşlər keçirib.
APA xəbər verir ki, bu barədə “Nizami Gəncəvi” Beynəlxalq Mərkəzindən məlumat verilib.
Görüş zamanı BMT-nin baş katibi Antonio Quterreş ilə “Ümumi Gündəliyimiz: Multilateralizmin yenidən işə salınması” mövzusuna keçirilən Ali toplantının nəticələri, Mərkəzin BMT-nin 78ci Baş Assambleyası çərçivəsində təşkil edəcəyi Ali Səviyyəli toplantı və 2024-cü ildə təşkil olunacaq XI Qlobal Bakı Forumu müzakirə edilib.
BMT Baş Assambleyasının prezidenti ilə görüşdə Mərkəz tərəfindən “Nizami ili” çərçivəsində nəşr etdirdiyi “Qələmin Sehri” - Nizami Gəncəvinin “Xəmsə”sindən seçilmiş əlyazmalar kitabının xüsusi nüsxəsini təqdim edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
