Fövqəladə hadisələr zamanı birlik çox önəmlidir.
APA xəbər verir ki, bunu Türk Dövlətləri Təşkilatına (TDT) üzv və müşahidəçi dövlətlərin Fövqəladə halların idarə edilməsi üzrə nazirlərinin ikinci görüşündə Türk Dövlətləri Təşkilatının Baş katibi Kubanıçbek Ömürəliyev deyib.
O bildirib ki, türk dövlətlərinin birgə əməkdaşlığı vacib addımdır:
"Dövlət başçıları da bu birliyə, qardaşlığa böyük önəm verir. Təbii fəlakət və fövqəladə halların idarəedilməsi ilə bağlı biz birlikdə ümumi işlər görürük. İndiyə qədər işçi qrupların 6 iclası keçirilib. İclaslarla bağlı işçi qrupları aidiyyatı üzrə məruzələr ediblər.
Hazırda məqsəd TDT-yə üzv ölkələrin fövqəladə halların idarə edilməsi üzrə cavabdeh qurumları arasında mövcud əlaqələrin inkişaf etdirilməsi, fövqəladə hallar zamanı birgə və koordinasiyalı fəaliyyətin təşkilinə nail olunması məsələlərinin müzakirəsi və təşkilat çərçivəsində Mülki Müdafiə Mexanizminin yaradılması haqqında Saziş layihəsinin müzakirəsidir", - deyə Baş katibi Kubanıçbek Ömürəliyev bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
