Türk Dövlətləri Parlament Assambleyasının (TÜRKPA) Katibliyi Ermənistan tərəfindən Azərbaycan Respublikasının Qarabağ bölgəsində yaradılmış qanunsuz rejimin 9 sentyabr 2023-cü il tarixində təşkil etdiyi qondarma “prezident seçkiləri”ni qətiyyətlə pisləyir.
Bu barədə TÜRKPA-nın Katibliyindən APA-ya daxil olan bəyanatda bildirilir.
Qeyd edilir ki, bu təxribat xarakterli addım beynəlxalq hüququn norma və prinsiplərinin, habelə Azərbaycan Respublikasının Konstitusiyasının və qanunvericiliyinin kobud şəkildə pozulması ilə yanaşı, regionda sülh və sabitlik, Qarabağ bölgəsinin erməni əsilli sakinlərinin reinteqrasiyası səylərinə zərbədir.
TÜRKPA Katibliyi qardaş Azərbaycanın suverenliyinə, ərazi bütövlüyünə və beynəlxalq səviyyədə tanınmış sərhədlərinin toxunulmazlığına ən güclü dəstəyini bir daha vurğulayaraq, regionda normallaşma səylərinə təhlükə yarada biləcək hər hansı addımdan çəkinməyə çağırır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
