Bakı – APA. Transfer dönəminin passiv komandalarından olan AZAL klubu hərəkətə gəlib. Apasport.az saytının məlumatına görə, “təyyarəçilər” baxışda olan bir əcnəbi oyunçu ilə bağlı qərar veriblər.
İyunun 25-dən təlim-məşq toplanışına yığışan paytaxt təmsilçisinin düşərgəsində norveçli yarımmüdafiəçi Vilyar Nordberq baxışa cəlb edilmişdi. Baş məşqçi Tərlan Əhmədov onunla bağlı artıq qərarını verib. Çalışdırıcı sağ cinah oyunçusu barədə müsbət rəy verib və onun komandada saxlanılmasını istəyib.
Hazırda klub rəhbərliyi müqavilə məsələsində futbolçu ilə danışıq aparır. Bunu əməkdaşımızla söhbətində AZAL-ın mətbuat xidmətinin rəhbəri Eldəniz Yusifov da təsdiqləyib.
Qeyd edək ki, Vilyar Nordberqin son komandası Norveç təmsilçisi “Yunkeren” olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
