APA-nın məlumatına görə, məktubda deyilir ki, Azərbaycan Alpinizm Federasiyası tarixdə ilk milli ekspedisiya kimi Heydər Əliyevin 90 illiyinə həsr edilmiş Himalay dağlarına, Pakistan İslam Respublikasının ərazisində yerləşən dünyanın 9-cu ən hündür zirvəsi olan Nanqa Parbat (8125 m) zirvəsinə ekspedisiya təşkil edib. Sözügedən ekspedisiya zamanı baza düşərgəsinə terror hücumu olub və 11 nəfər xarici alpinist öldürülüb. Xoşbəxtlikdən həmin vaxt Azərbaycan alpinistləri 6100 m hündürlükdə olub və heç bir xəsarət almayıb. Azərbaycan vətəndaşlarının təhlükəsiz təxliyə edilməsi üçün ölkəmizin Xarici İşlər Nazirliyinin göstərişi ilə Pakistandakı Səfirliyimizin əməkdaşları yerli orqanlar və silahlı qüvvələrlə birlikdə alpinistlərin təxliyə əməliyyatını uğurla həyata keçirib və vətəndaşlarımızın təhlükəsizliyini təmin edib.
Azərbaycan Alpinizm Federasiyası belə çətin vəziyyətdə alpinistlərə göstərdiyi köməyə görə xarici işlər naziri Elmar Məmmədyarova, ölkəmizin Pakistandakı səfiri Daşqın Şikarova, səfirliyin digər əməkdaşlarına və ümumilikdə bütün XİN əməkdaşlarına dərin minnətdarlığını bildirib və gələcək fəaliyyətdə uğurlar arzu edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
