Hadisə

Ana səhifə

Hadisə

Yaxın vaxtlarda erməni ailəsini öldürən Rusiya hərbçisinə hökm oxunacaq - VİDEO

Yaxın vaxtlarda erməni ailəsini öldürən Rusiya hərbçisinə hökm oxunacaq - <span style="color: red;">VİDEO

12 avqust 2015 11:17 (UTC +04:00)

Bakı. Məlahət Nəcəfova-APA. Ermənistanın Gümrü şəhərində bir erməni ailəsini qətl edən Rusiya hərbçisinin məhkəməsi başlayıb. APA-nın “news.am”a istinadən verdiyi məlumata görə, Gümrü qarnizonun daxil olduğu Rusiya Federasiyasının Cənub Hərbi Dairəsində keçirilən məhkəmə iclasında Valeriy Permyakov fərarilik və hərbi hissəni qanunsuz olaraq silahla tərk etmə ittihamlarının bir hissəsini boynuna götürüb. O istintaq zamanı verdiyi ifadələri təsdiqlədiyini deyib. Lakin məhkəmədə sualları cavablandırmaqdan imtina edib.

Məhkəmənin yaxın müddətdə qərar çıxaracağı bildirilir. Valeri Permyakovun 10 il azadlıqdan məhrum ediləcəyi gözlənilir. Xatırladaq ki, fərarilik və hərbi postu silahla tərk etdiyi üçün ittiham olunan Valeri Permyakov bu ilin yanvar ayında Gümrüdə yaşayan Avetisyan ailəsinin 7 üzvünü qətlə yetirmişdi.