Sosial

Ana səhifə

Sosial

Yaponiya səfiri Sabirabadda xəstəxana açılışında iştirak edib

14 sentyabr 2012 15:04 (UTC +04:00)

Sabirabad. Əlibəy Zeynallı – APA. “İrəli” İctimai Birliyinin təşəbbüsü və Yaponiya hökumətinin “Ot kökləri və insan təhlükəsizliyi” qrant yardımı proqramı çərçivəsində Sabirabadın Qəzli kəndində əsaslı təmirdən sonra xəstəxananın açılışı olub. APA-nın xəbərinə görə, açılış mərasimində Milli Məclisin üzvü Ceyhun Osmanlı, Yaponiyanın Azərbaycandakı səfiri Şusuke Vatanabe və Sabirabad rayon İcra Hakimiyyətinin başçısı Nazim İsmayılov iştirak edib.

Qəzli kənd xəstəxanası əhalisi 12 min nəfərdən artıq olan 5 kəndə - Qəzli, Quruzma, Qaraqaşlı, Yenikənd və Kovlar kəndlərinin əhalisinə xidmət göstərəcək. Xəstəxanada müasir tibbi standartlara cavab verən avadanlıqlar və 15 çarpayı var. Xəstəxananın xidmətindən Hacıqabul rayonunun yaxın kəndləri də istifadə edəcək.