Amerika

Ana səhifə

Amerika

ABŞ Federal Təhlükəsizlik Xidmətinin, ABŞ Senatıınn və “Stratfor” şirkətinin saytlarına hücum etmiş haker qrupunun rəhbərləri həbs olunub

06 mart 2012 16:19 (UTC +04:00)

APA-nın “Fox News”a istinadən yaydığı məlumata görə, hakerləri bir neçə ay əvvəl ABŞ Federal Təhlükəsizlik Xidməti ilə əməkdaşlığa razılıq vermiş “Lulz Security”nin başçısı Hektor Ksavye Monsequrun verdiyi məlumat əsasında ələ keçirmək mümkün olub. FTX təmsilçisi keçirilən əməliyyatı hakerlər üçün “dağıdıcı xarakter” daşıdığını bildirib və əməliyyat nəticəsində bu qrupun faktiki olaraq rəhbərsiz qaldığını açıqlayıb.
Əməliyyat zamanı üç haker həbs olunub, qrupun iki üzvünə isə qiyabi ittiham irəli sürülüb. İttiham olunan qrup üzvlərindən ikisi britaniyalı, ikisi irland, biri isə amerikalıdır.
Qeyd edək ki, “Luls Security”nin rəhbəri, virtual şəbəkədə “Sabu” adı ilə tanınan Hektor Ksavye Monsequr ötən ilin iyununda ifşa olunduqdan sonra Federal Təhlükəsizlik Xidməti ilə əməkdaşlığa razılıq verib. Onun ifadəsi əsasında saxlanan Ceremi Xammondun ötən ilin dekabrında “Stratfor” analitik şirkətinin serverini sındırdığı, nəticədə “Anonymous”un bu təşkilata məxsus milyonlarla məktub və sənədi oğurladığı müəyyənləşib. “Lulz Securoty”nin “Anonnymous” törəmə təşkilatı olduğu güman edilir.
“Lulz Security” bir neçə irimiqyaslı haker hücumuna görə məsuliyyəti öz üzərinə götürüb. Ötən il bu haker qrupu “SonyPictures.com” saytından milyondan artıq istifadəçi haqqında məlumatları oğurladıqlarını açıqlayıb. “Lulz Security” həmçinin Federal Təhlükəsizlik Xidmətinin daxili serverlərinə, ABŞ Senatının daxili şəbəkəsinə, FTX-nın saytına hücumları təşkil etdiyini etiraf edib. Qrup ötən ilin iyununda fəaliyyətini dayandırdığını açıqlayıb.