İspaniyanın “Betis” klubu futbolçusu Xoakin Sançeslə müqaviləni uzadıb.
Apasport.az saytının məlumatına görə, yeni anlaşma 2021-ci ilin yayına qədər nəzərdə tutulub.
38 yaşlı ispaniyalının hazırkı müqaviləsi isə cari mövsümün sonunda başa çatmalı idi. Bu isə o deməkdir ki, Xoakin 40 yaşına qədər Sevilya təmsilçisində qalacaq.
Qeyd edək ki, “Betis”in kapitanı cari mövsümdə 17 oyun keçirib və 6 qol vurub.