ABŞ-ın dövlət katibi Reks Tillerson Meksikaya səfər edəcək.
APA-nın Reuters agentliyinə istinadən verdiyi xəbərə görə, bu barədə Meksika XİN-in nümayəndəsi bildirib.
Hələlik səfərin dəqiq vaxtı açıqlanmır. Fevralın 8-də R.Tillerson Vaşinqtonda Meksikanın xarici işlər naziri Luis Videqaray ilə görüşüb.
Qeyd edək ki, yanvarın 25-də ABŞ prezidenti Donald Tramp Meksika ilə sərhəddə divar çəkmək niyyətini təsdiqləyib. Tramp həmçinin divarın tikintisi üçün Meksika hökumətindən 5-10 milyard dollar tələb edib. Bundan əlavə Tramp ABŞ-ın Şimali Amerika azad ticarət zonası haqqında sazişdən (NAFTA) çıxacağını vəd edib. ABŞ-ın NAFTA-dan çıxacağı təqdirdə Meksika ixrac rüsumlarının artması səbəbindən milyardlarla dollar ziyan çəkəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
