Amerika İslam Əlaqələri Şurası (Council on American-Islamic Relations, CAIR) prezident Donald Trampın qaçqınların qəbulunun dayandırılması və müsəlman ölkələrinin vətəndaşlarının ölkəyə girişinə qadağan olunmasına dair fərmanları ilə bağlı iddia qaldırmağı planlaşdırırlar.
APA-nın “RİA Novosti”yə istinadən verdiyi xəbərə görə, bu barədə təşkilatın saytında bildirilir.
“İddia fərmanın konstitusiyaya uyğunluluğunu sual altına qoyur, belə ki, sənədin məqsədi və motivi İslam dininə mənsub insanların ABŞ-a girişinə qadağa qoymaqdır. Fərmanın əsasında real vəziyyət yox, dözümsüzlük hissi durur. Fərman ABŞ konstitusiyasının əsas müddəalarını şübhə altına alır ”, - deyə CAIR-ın məlumatında qeyd olunur.
20 nəfərdən çox şəxsin adından qaldırılacaq iddia barədə məlumat CAIR tərəfindən rəsmi olaraq yanvarın 30-da elan edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
