Meksikanın Miçoakan ştatında ağır yol qəzası baş verib.
APA-nın RİA Novosti agentliyinə istinadən verdiyi xəbərə görə, hadisə Mexiko-Qvadalaxara avtomagistralında qeydə alınıb.
Məlumata əsasən, idarəetməni itirən yük maşını qarşıda hərəkətdə olan bir neçə minik avtomobilinə çırpılıb. Avtomobillərdən biri yanıb. Qəza nəticəsində azı 5 nəfər ölüb, xəsarət alanların olduğu bildirilir.
Hadisə yerində polis və yanğınsöndürənlər işləyir. Qəzanın səbəbləri müəyyənləşdirilir.