Bakı-APA. Ağ Evin mətbuat katibi Coş Ernest ABŞ prezidenti Barak Obamanın Türkiyənin Antalya şəhərində keçiriləcək “G20” (“böyük iyirmilik”) sammiti zamanı Suriyanı müzakirə etmək niyyətində olduğunu bildirib. APA-nın xəbərinə görə, bu barədə “Reuters” məlumat yayıb.
Onun sözlərinə görə, Obama İŞİD terror qruplaşmasının zəiflədilərək tamamilə məhv edilməsinə yönəlmiş davamlı səylər barədə də danışıqlar aparmaq niyyətindədir.
Ernestin sözlərinə görə, sammitdə iştirak edəcək “böyük iyirmilik” ölkələrinin əksəriyyəti İŞİD-ə qarşı mübarizədə ABŞ-ın rəhbərlik etdiyi koalisiyanın iştirakçılarıdır.
Qeyd edək ki, bundan əvvəl Barak Obama və Vladimir Putin arasında sammiti zamanı hər-hansı formatda görüşün baş tutacağı istisna edilməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
