ABŞ Ədliyyə Nazirliyinə rəhbərlik edən baş prokuror Ceff Seşns prezident Donald Trampın miqrasiya fərmanın icrasının dayandırılmasına dair qərardan Ali Məhkəməyə şikayət edəcəyini bildirib.
APA-nın “RİA Novosti”yə istinadən verdiyi xəbərə görə, bundan əvvəl Apelyasiya Məhkəməsi aşağı instansiya məhkəməsinin fərmanın dayandırılmasına dair qərarını qüvvədə saxlayıb.
Qeyd edək ki, Donald Tramp martda immiqrasiya siyasətini sərtləşdirməklə bağlı fərman imzalayıb. Bu fərman əhalisinin əksəriyyəti müsəlman olan 6 ölkə vətəndaşlarına şamil edilib. Fərman İran, Liviya, Somali, Sudan, Suriya və Yəmən vətəndaşlarının ABŞ-a 90 gün müddətində səfərlərinə qadağa qoyub. Lakin məhkəmə fərmanın icrasının dayandırılması ilə bağlı qərar verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
