"Nəsimi ili çərçivəsində ötən il Azərbaycan Milli Elmlər Akademiyasında (AMEA) 13 monoqrafiya, 15 ciddi elmi əsər çap olunub".
APA-nın məlumatına görə, bunu AMEA Nizami Gəncəvi adına Ədəbiyyat İnstitutunun keçirdiyi “Nəsimi ili”nin yekunlarına həsr olunmuş elmi sessiyada çıxışı zamanı AMEA-nın I vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəyli deyib.
Onun sözlərinə görə, "Nəsimi ili"ndə Akademiyada ümumilikdə 36 kitab çap olunub: “Bunlar hamısı orijinal, fərqli əsərlərdir. Bu əsərləri dünya dillərinə çevirib yaymaq, Azərbaycan elminin səviyyəsini göstərməyə xidmət edə bilər. Mən Nəsimiyə həsr olunmuş əsərlər yazan alimlərimizin hər birinə təşəkkürümü bildirirəm".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
