Bakı – APA. Milli Şuranın Bakıdakı “Məhsul” stadionunda keçirdiyi mitinqdə 400 nəfər iştirak edib.
APA-nın xəbərinə görə, bu barədə Bakı Şəhər Baş Polis İdarəsinin yaydığı məlumatda deyilir.
Bildirilir ki, saat 15.30-dan 16.30-dək davam edən mitinq zamanı ictimai asayişin və hüquq qaydasının kobud şəkildə pozulması hallarına yol verilməyib.
*** 16.40
Bakı. Etibar Məmmədov – APA. Milli Şuranın bu gün keçirilən mitinqi başa çatıb.
APA-nın məlumatına görə, mitinq vaxtından yarım saat gec başlayıb və yarım saat tez bitib.
Mitinqdə Azərbaycan Xalq Cəbhəsi Partiyasının (AXCP) sədr müavini Əbülfəz Qurbanlı, AXCP sədri Əli Kərimli, “Azadlıq” qəzetinin baş redaktoru Rahim Hacıyev və Milli Şuranın sədri Cəmil Həsənli çıxış ediblər.
Mitinq qətnamənin oxunması ilə başa çatıb.
*** 15.29
Bakı. Etibar Məmmədov - APA. Milli Şura Yasamal rayonundakı keçmiş “Məhsul” stadionunda mitinq keçirir.
APA-nın məlumatına görə, mitinq Bakı Şəhər İcra hakimiyyəti ilə razılaşdırılıb.
Aksiyada Müsavat, ADP, KXCP və digər müxalif partiyalar iştirak etmir.
Mitinq elan olunduğundan yarım saat gec başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
