Bakı. Musa Əhmədov – APA-Economics. “Vətəndaşa aid fərdi məlumatlar üzrə elektron arayışın verilməsi” elektron xidmətindən istifadə edən bankların sırasına yenisi qoşulub.
“Bank Respublika”dan “APA-Economics”ə verilən məlumata görə, artıq bankın müştəriləri də “Elektron hökumət” portalının təqdim etdiyi “Vətəndaşa aid fərdi məlumatlar üzrə elektron arayışın verilməsi” xidmətindən istifadə edə biləcəklər.
Xidmətdən yararlanmaq üçün müştəri “Elektron hökumət”in internet səhifəsində (www.e-gov.az) “Vətəndaşa aid fərdi məlumatlar üzrə elektron arayışın verilməsi” elektron xidmətinə daxil olub, arayışı yaradaraq “Kredit ərizəsi üçün məlumatın göndərilməsi” bölməsində “Bank Respublika”nı seçməklə arayışı onlayn rejimdə banka göndərməlidir. Həmçinin, vətəndaşlar bankın baş ofisində quraşdırılmış kompüterlər vasitəsilə də “Elektron hökumət” portalına daxil olub arayışı rəsmiləşdirərək banka təqdim edə bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
