Asiya

Ana səhifə

Asiya

İran müttəfiqlərinin Parçin hərbi obyektinə daxil olmasına razı olduğunu bəyan edib

11 iyun 2012 16:37 (UTC +04:00)

Bakı. Könül Cəfərli - APA. “İran müttəfiqlərinin Parçin hərbi obyektində baxış keçirməsinə maneçilik törətmir”. APA-nın İRİB-ə istinadən məlumatına görə, bunu İranın Atom Enerjisi üzrə Beynəlxalq Agentlikdəki (AEBA) daimi nümayəndəsi Əli Əsgər Sultaniyə deyib.

O bildirib ki, İran nüvə proqramı ilə bağlı AEBA-nın bütün suallarını cavablandırıb: “Müttəfiqlərimiz Parçinə daxil ola bilərlər. Lakin bunun üçün hər iki tərəfin də maraqlarını əks etdirən bir proqram və əsaslı sənəd olmalıdır. Yaxın günlərdə İranla AEBA arasında növbəti müzakirələrin keçiriləcəyinə dair razılaşma ilə bağlı məlumat veriləcək”.

Ə.Ə.Sultaniyə ABŞ və müttəfiqlərini problemlərin həlli yolunda maneçilik törətməkdə ittiham edib.