Yəməndəki husilər aviaşirkətləri və sərnişinləri Səudiyyə Ərəbistanının hava limanlarından istifadə etməməyə çağırıblar.
APA “Reuters”ə istinadən xəbər verir ki, husilər Ər-Riyadın beynəlxalq hava limanına hücumdan sonra xəbərdarlıqlarını yeniləyiblər.
Husilər “X” sosial şəbəkəsində yaydıqları açıqlamada Səudiyyə Ərəbistanının hava limanlarının və hava məkanının hücum təhlükəsi altında olduğunu bildiriblər.
Qruplaşma Məkkə və Mədinə şəhərlərindəki hava limanlarının bu xəbərdarlığa daxil olmadığını açıqlayıb.
Husilər aviaşirkətləri, hava limanı əməkdaşlarını və sərnişinləri xəbərdarlığa ciddi yanaşmağa çağırıblar. Onlar hücumların qarşısının alınmamasına görə məsuliyyətin Səudiyyə Ərəbistanının üzərinə düşdüyünü iddia ediblər.
Qeyd edək ki, oktyabrın 10-da Ər-Riyaddakı Kral Xalid Beynəlxalq Hava Limanına hücum nəticəsində 12 nəfər ölüb, 300-dən çox insan yaralanıb.
Hücumdan sonra hava limanının fəaliyyəti müvəqqəti dayandırılıb.
Son həftələr Səudiyyə Ərəbistanı ilə husilər arasında hərbi qarşıdurma güclənib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
