2021-ci ildə Kabil hava limanında törədilmiş partlayışları planlaşdıran İŞİD-K lideri Taliban tərəfindən öldürülüb.
APA CNN-ə istinadən xəbər verir ki, bu barədə ABŞ-ın Milli Təhlükəsizlik Şurası məlumat yayıb. Şuranın strateji kommunikasiyalar üzrə kordinatoru Con Körbi öldürülən şəxsin adını açıqlamasa da, onun ABŞ-ın Əfqanıstandan çəkilməsinin son günlərində törədilmiş “dəhşətli hücumun planlaşdırıcısı” olduğunu qeyd edib.
Con Körbi Talibanın İŞİD-K liderini necə öldürməsi ilə bağlı detalları paylaşmayıb, lakin qeyd edib ki, bu, İŞİD-K terror təşkilatının bu il məruz qaldığı ən yüksək profilli rəhbərlik itkilərindədir.
Qeyd edək ki, Kabil hava limanında törədilmiş terror hücumları nəticəsində 13 ABŞ əsgərinin və 170 əfqanın həlak olduğu bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
