Oman və İranın xarici işlər nazirləri dəniz marşrutlarının təhlükəsizliyinin təmin edilməsi, beynəlxalq gəmiçilik və ticarətin fasiləsiz davam etdirilməsi məsələlərini müzakirə ediblər.
APA “Reuters”ə istinadən xəbər verir ki, müzakirələr İranın xarici işlər naziri Abbas Əraqçinin noyabrın 17-də Omana səfəri çərçivəsində aparılıb.
Oman Xarici İşlər Nazirliyinin yaydığı bəyanata əsasən, tərəflər dəniz marşrutlarının təhlükəsizliyinin qorunması ilə yanaşı, regionda gərginliyin artmasının qarşısının alınması məqsədilə dialoq və danışıqlar kanallarının yenidən fəallaşdırılması məsələlərini də nəzərdən keçiriblər.