Asiya

Ana səhifə

Asiya

İndoneziyada zəlzələ nəticəsində ölənlərin sayı 99 nəfərə çatıb - YENİLƏNİB

İndoneziyada zəlzələ nəticəsində ölənlərin sayı 99 nəfərə çatıb - <span style="color: red;">YENİLƏNİB

08 dekabr 2016 04:34 (UTC +04:00)

İndoneziyanın Açe əyalətində zəlzələ nəticəsində ölənlərin sayı 99 nəfərə çatıb.

APA-nın “TASS” agentliyinə istinadən verdiyi xəbərə görə, 750 nəfər müxtəlif dərəcəli xəsarət alıb, onlardan 136-nın vəziyyəti ağır kimi qiymətləndirilir.

Təbii fəlakət nəticəsində öz evlərini tərk etməyə məcbur olan 3 200 nəfər xüsusi təxliyə mərkəzlərinə yerləşdiriliblər.

Xatırladaq ki, ötən gün İndoneziyada 6,4 bal gücündə zəlzələ baş verib. Yeraltı təkanların episentri Sumatra adasının şimalında, ocağı isə 10 km dərinlikdə yerləşib.

***

02:54

İndoneziyanın Açe əyalətində zəlzələ nəticəsində ölənlərin sayı 97 nəfərə çatıb.

APA-nın “Sinxua” agentliyinə istinadən verdiyi xəbərə görə, 613 nəfər müxtəlif dərəcəli xəsarət alıb.

Təbii fəlakət nəticəsində 200-dən çox yaşayış evi, tədris müəssisəsi və məscid dağılıb.

Hazırda hadisə yerinə cəlb edilən 1000-dən çox xilasedici dağıntılar altında qalanları xilas etməyə çalışır. Ölkə rəsmiləri ölənlərin sayının artacağını istisna etmirlər.

Xatırladaq ki, ötən gün İndoneziyada 6,4 bal gücündə zəlzələ baş verib.