İstanbulda törədilən terror aktına görə məsuliyyəti PKK terror təşkilatının faktiki bir qolu olan “Kürdüstan Azadlıq Qırğıları” qrupu öz üzərinə götürüb.
APA-nın Reuters agentliyinə istinadən verdiyi məlumata görə, bu barədə “Kürdüstan Azadlıq Qırğıları”nın saytında məlumat yerləşdirilib.
Qeyd edək ki, dekabrın 10-da Bakı vaxtı ilə saat 23.29 radələrində İstanbulun mərkəzindəki “Vodafon Arena” futbol stadionu yaxınlığında törədilən iki partlayış nəticəsində 30-u polis əməkdaşı olmaqla, 38 nəfər ölüb, yaralananların sayı isə 155 nəfərə çatıb.
“Kürdüstan Azadlıq Qırğıları” PKK terror təşkilatı tərəfindən formalaşdırılıb. PKK-nın xüsusən böyük şəhərlərdə törətdiyi və beynəlxalq ictimaiyyətin sərt reaksiyalarına səbəb olan terror aktlarına görə məsuliyyət adətən, bu qrup “öz üzərinə götürür”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
